Мектепте «Жасанды интеллект және инновациялық технологияларды тиімді қолдану» тәжірибелік алаңы ашылды

Мектепте «Жасанды интеллект және инновациялық технологияларды тиімді қолдану» тәжірибелік алаңы ашылды

2025–2026 оқу жылының басында №28 ЖОББМ базасында «Жасанды интеллект және инновациялық технологияларды тиімді қолдану» атты мектепішілік тәжірибелік алаң өз жұмысын бастады. Тәжірибелік алаңның негізгі мақсаты – білім беру процесіне заманауи цифрлық шешімдерді енгізу, мұғалімдердің әдістемелік құзыреттілігін арттыру және оқушылардың зерттеушілік, шығармашылық дағдыларын дамыту.

Аталмыш тәжірибелік алаң жалпы білім беру мазмұнын жаңғырту бағытына сәйкес құрылып, жасанды интеллектті оқу-тәрбие үдерісіне қауіпсіз әрі тиімді интеграциялау мүмкіндіктерін зерттеуге бағытталған. Алаң жұмысы арқылы мұғалімдер цифрлық құралдарды, автоматтандырылған бағалау әдістерін, бейімделген оқыту платформаларын, STEM/STEAM технологияларын қолдану бойынша тәжірибе алмасады.

Тәжірибелік алаңның міндеттері:

ЖИ құралдарын сабақ үдерісінде тиімді қолданудың әдістерін әзірлеу;

Мұғалімдерге практикалық семинарлар, шеберлік сабақтарын ұйымдастыру;

Оқушылардың зертханалық, жобалық жұмыс жүргізу мәдениетін қалыптастыру;

Инновациялық технологияларды қолдану арқылы функционалдық сауаттылықты арттыру;

Сабақ сапасын арттыруға бағытталған цифрлық педагогика тәжірибесін жүйелеу.

2025 жылдың қыркүйек айынан бастап тәжірибелік алаң аясында пән мұғалімдерімен бірлескен тренингтер, цифрлық ресурстарды сынақтан өткізу, жасанды интеллект негізінде оқу материалдарын дайындау, сондай-ақ озық тәжірибелерді енгізу жұмыстары жүргізілуде.

Тәжірибелік алаңның ашылуы мектептің білім беру сапасын арттыруға, мұғалімдердің заманауи талаптарға бейімделуіне, оқушылардың шығармашылық және зерттеушілік әлеуетін дамытуға жаңа мүмкіндік береді.

Мектеп әкімшілігі тәжірибелік алаң жұмысының нәтижелері тоқсан сайын талданып, үздік тәжірибелер педагогикалық кеңесте талқыланатынын хабарлайды.